კურსის ფარგლებში შეისწავლი მომხმარებლის ინტერფეისისა (UI) და მომხმარებლის გამოცდილების დიზაინის (UX) საწყისებს და იმუშავებ ონლაინ პლატფორმა - Figma-ში.

კურსის ფარგლებში გაეცნობი და პრაქტიკაში გამოიყენებ Adobe-ის ახალ და პოპულარულ პროდუქტს - Adobe Express.

კურსის განმავლობაში გაეცნობი იმ პროგრამულ ინსტრუმენტებს (Front End: HTML, CSS), რომელთა გამოყენებითაც შეძლებ ვებგვერდის აწყობას და შეისწავლი ამ პროცესს.

კურსის ფარგლებში ისწავლი პროგრამული კოდის წერას ერთ-ერთი ყველაზე პოპულარული პროგრამირების ენის, Python-ის საწყისების დახმარებით.

კურსის განმავლობაში გაეცნობი იმ პროგრამულ ინსტრუმენტებს, რომლებიც დაგეხმარება, შექმნა სასურველი ფოტო და ვიდეო კონტენტი. ასეთებია: კამერის ძირითადი პარამეტრები, სხვადასხვა სამონტაჟო პროგრამა: Adobe Express, Lightroom, CapCut და ა.შ.

კურსის განმავლობაში გაეცნობი თამაშების შესაქმნელ გარემოს - love2D, რომლის გამოყენებითაც შესაძლებელია 2D თამაშების შექმნა. ისწავლი თამაშის სცენარის შემუშავებას და მის პირველად ტესტირებას. კურსის განმავლობაში, თამაშის დაპროგრამებას პროგრამული ენის - lua-ს საშუალებით შეძლებ.

კურსის განმავლობაში გაეცნობი მობილური აპლიკაციის შექმნის ძირითად პრინციპებსა და მიდგომებს, რაშიც დაგეხმარება MIT-ის პროგრამა App Inventor-ი. სასწავლო კურსის ფარგლებში, ისწავლი როგორც პროგრამირების საწყისებს, ისე სხვადასხვა მობილური მოწყობილობის მუშაობის ძირითად პრინციპებს.

კურსის განმავლობაში გაეცნობი იმ პლატფორმებს, რომელთა საშუალებითაც იქმნება მოლაპარაკე პროგრამები (ჩატბოტები). გაიგებ, რა ტიპის სამუშაოა შესასრულებელი უშუალოდ ჩატბოტის აწყობამდე და დამოუკიდებლად შექმნი პროგრამას.

სასწავლო კურსის ფარგლებში გაეცნობი სოციალურ მედიასთან და ზოგადად, ინტერნეტ კულტურასთან დაკავშირებულ მნიშვნელოვან საკითხებს.