მობილური აპლიკაციების შექმნა
კურსის განმავლობაში გაეცნობი მობილური აპლიკაციის შექმნის ძირითად პრინციპებსა და მიდგომებს, რაშიც დაგეხმარება MIT-ის პროგრამა App Inventor-ი. სასწავლო კურსის ფარგლებში, ისწავლი როგორც პროგრამირების საწყისებს, ისე სხვადასხვა მობილური მოწყობილობის მუშაობის ძირითად პრინციპებს. დაეუფლები Google-ის მიერ შექმნილ პროგრამირების ენა Dart-ს და Flutter ფრეიმვორკს.
20 ლექცია | 3 თვე | Google Meet |
რა არის კურსის მიზანი?
კურსის მიზანია, შეიძინო ის ცოდნა და უნარები, რომლებიც მობილური მოწყობილობისათვის, აპლიკაციის შექმნის შესაძლებლობას მოგცემს.
პრაქტიკული კურსის ბოლოს, ფინალურ პროექტზე მუშაობისას, დამოუკიდებლად შექმნი მობილურ აპლიკაციას Android მოწყობილობისათვის.
კურსი არის უფასო და მისი წარმატებით დასრულების შემდეგ, მიიღებ სერტიფიკატს.
ვისთვისაა კურსი?
სასწავლო პროგრამაში მონაწილეობისთვის არ გჭირდება საბაზისო ცოდნა. უნდა იყო სკოლის მოსწავლე, მე-9-დან მე-12 კლასის ჩათვლით, გქონდეს მოტივაცია და წვდომა კომპიუტერსა და ინტერნეტთან.
რა გეცოდინება კურსის გავლის შემდეგ?
● თანამედროვე მობილური აპლიკაციებისათვის ვიზუალური კომპონენტების შექმნა;
● პროგრამირების საწყისების ძირითადი პრინციპები და გავრცელებული მიდგომები;
● მონაცემთა ბაზების მუშაობის პრინციპები, რომელთა მეშვეობითაც, შეძლებ მონაცემთა ბაზის აწყობასა და მის მობილურ აპლიკაციასთან დაკავშირებას;
● ციფრულ რუკასთან მუშაობა და ისეთი მობილური აპლიკაციის აწყობა, რომელშიც ინტერაქტიური რუკა იქნება ჩაშენებული.
ვინ მასწავლის?
ანი ჩარექიშვილი
Front-End დეველოპერი; თიბისი აკადემიის ანგულარის კურსდამთავრებული; თიბისის ანგულარ დეველოპერი.
"ჩემთვის, როგორც თიბისის გუნდის წევრისთვის, მნიშვნელოვანია ბავშვებთან ჩემი ცოდნისა და გამოცდილების გაზიარება"
გიორგი კვარაცხელია
Back End დეველოპერი ილიას სახელმწიფო უნივერსიტეტში; Back End დეველოპმენტის ლექტორი უნილაბსა და ჯეოლაბში.
"ჩემი აზრით, უდიდესი სიკეთე რაც კი თანამედროვე ტექნოლოგიებმა გააკეთა, არის ის, რომ თითქმის ყველა ადამიანს მისცა საშუალება ისწავლოს ნებისმიერი რამ რისი ინტერესიც აქვს."
გიორგი ნავდარაშვილი
მობილური აპლიკაციების დეველოპერი;
აპლიკაციების დეველოპმენტის ტრენერი ჯეოლაბში.
"ციფრული ტექნოლოგიები გადამწყვეტ როლს თამაშობს მომავლის ჩამოყალიბებაში. ისინი საშუალებას გვაძლევენ, გავაუმჯობესოთ ადამიანის ცხოვრების ხარისხი თითქმის ყველა მიმართულებით. დღეისათვის ტექნოლოგიები ჩვენი მთავარი იარაღია, მომავლის გამოწვევების გადასაჭრელად."
ნიკა გოგუაძე
UI/UX დიზაინერი - TNET-ის უფროსი UI/UX დიზაინერი.
"ციფრული ტექნოლოგიების გაცნობის შემდეგ, შესაძლებლობა გვექნება განვახორციელოთ ისეთი ოპერაციები ჩვენი ტელეფონებიდან/კომპიუტერებიდან, რაც დღეის მოცემულობით წარმოუდგენლად გვეჩვენება."
დავით ხითარიშვილი
ციფრული მარკეტინგისა და კომუნიკაციების სპეციალისტი, ქოფირაითერი. ლექტორი სასწავლო დაწესებულებებში: ჯეოლაბი, უნილაბი, GIPA, GAU, ილიაუნი, Alterbridge.
"21-ე საუკუნეში, ცვლად გარემოსთან შეგუებისა და მასთან ერთად განვითარებისთვის, აუცილებელია გვქონდეს საბაზისო ცოდნა ტექნოლოგიების მიმართულებით."
შოთიკო ციქურიშვილი
ფოტოგრაფი და ვიდეოგრაფი; კონტენტის მენეჯერი.
"ციფრული ტექნოლოგიები ახალ თაობას დაეხმარება, ფეხი აუწყონ თანამედროვე სამყაროს და მეტიც, მომავალში თვითონ შექმნან გამორჩეული ტექნოლოგიური ტრენდები, ტენდენციები და განახორციელონ იდეები."
ანა შადური
გრაფიკოსი და UI/UX დიზაინერი; ასწავლის ჯიპაში, ილიას სახელმწიფო უნივერსიტეტში, ჯეოლაბსა და საქართველოს კარიტასში.
"ციფრული ტექნოლოგიები ადამიანებს მსოფლიოს ნებისმიერ წერტილთან წვდომისა და ბიზნესის გაფართოების საშუალებას აძლევს."